အလုပ်ထဲမှာ စွမ်းအင်အပြည့်ရှိနေစေမည့် တစ်နေ့တာ နေထိုင်မှုပုံစံ

လုပ်ငန်း ခွင်ထဲ တစ်နေကုန် အလုပ်လုပ်ရာမှာ အလုပ် လည်းတွင်၊ စွမ်းအင်လည်း ပြည့်ဝ၊ လန်းဆန်း မှုလည်း အပြည့် ရှိနေစေဖို့ ကျွမ်းကျင်သူတွေက နာရီအပိုင်းအခြားအလိုက် ဘယ်လိုဖြတ်သန်းသင့် တယ်ဆိုတာကို အကြံပြုထားပါတယ်။

နံနက် ၆နာရီ အိပ်ရာထချိန်
ကြိုးစားပါ - တကယ်နိုးထသင့်တဲ့ အချိန်ထက် ၁၅ မိနစ်စောပြီး နှိုးစက်ပေးထားပါ။ ဒါဆိုရင် အိပ်ရာက ဝုန်းခနဲ ထစရာမလိုဘဲ စိတ်ရော ခန္ဓာကိုယ်ကိုပါ သက်တောင့်သက်သာရှိရှိ နိုးထနိုင်ပါလိမ့်မယ်။
ကျွမ်းကျင်သူ၏ အကြံပြုချက် - အခန်းကို ကန့်လန့်ကာ ပါးပါးချပြီး အိပ်ပါ။ နံနက် နေခြည်နုနုထွက်လာချိန်မှာ ဦးနှောက်မှ အိပ်စက်မှုဆိုင်ရာ မယ်လတိုနင်ဟော်မုန်းထွက်နှုန်းကို လျော့ကျစေပြီး နိုးကြားစေတဲ့ အဒရီနယ်လင်ဟော်မုန်း စတင်ထွက်ရှိလာပါလိမ့်မယ်။ဒါကြောင့်နှိုးစက် ပိတ်လိုက်တဲ့အချိန်မှာ သင့်ခန္ဓာကိုယ်က တစ်ဝက်နိုးကြားပြီး ဖြစ်နေပါလိမ့်မယ်။

နံနက် ၇နာရီ အပြင်မထွက်ခင်
ကြိုးစားပါ - ဇီဝရုပ်ဖြစ်ပျက်မှုကို စတင်လုပ်ဆောင်နိုင်စေဖို့ နံနက်စာစားပေးပါ။
ကျွမ်းကျင်သူ၏ အကြံပြုချက် - နံနက်စာအဖြစ် ပန်းသီး၊ အခွံမာတဲ့အစေ့အဆန်နဲ့ ပေါင်မုန့်ညိုတစ်ချပ်ကို စားပေးရင်တောင် ကယ်လ်စီယမ်နဲ့ ပရိုတင်းဓာတ်တို့ရရှိကာ တစ်နေ့လုံး စွမ်းအင်ပြည့်ဝ နေပါလိမ့်မယ်။

နံနက် ၈နာရီ အလုပ်သွားရာ လမ်းမှာ
ကြိုးစားပါ - ရုံးနဲ့ နီးနီးမှာ နေထိုင်သူတွေအနေနဲ့ ရုံးကို လမ်းလျှောက်ြပီး သွားသင့်ပါတယ်။ ဒီလို လမ်းလျှောက်သွားတာကြောင့် စိတ်ဖိစီးမှုကို လျော့ကျစေပြီး မောပန်းနွမ်းနယ်မှု ပြေပျောက်စေကာ ဖျားနာနိုင်ခြေ လျော့ပါးကြောင်း လေ့လာသူတွေက ဆိုပါတယ်။
ကျွမ်းကျင်သူ၏ အကြံပြုချက် - လမ်းလျှောက်သွားလို့ မရရင် ဘတ်စကားပေါ် ဒါမှမဟုတ် ရထားပေါ်ထိုင်ရင်း၊ ရပ်ရင်း တရားမှတ်ပေးပါ။ စိတ်ဖိစီးမှုကို ပြေလျော့စေပါတယ်။

နံနက် ၉နာရီ အစီအစဉ်ကျစေရန် အချိန်နည်းနည်းယူပါ
ကြိုးစားပါ - ရှုပ်ပွနေတဲ့ စားပွဲခုံဟာ စိတ်ဖိစီးမှု ပိုဖြစ်စေပါတယ်။ အဲဒီစားပွဲခုံကိုရှင်းဖို့ အချိန်ကလည်း မရှိလောက်အောင် များနေတယ်ဆိုရင် အလုပ်ကိုရောက်ရောက်ချင်း ရှင်းပါ။ ပြီးရင် တစ်နေ့တာလုပ်စရာ ရှိတာတွေကို စာရင်းရေးမှတ်ထားသင့်ပါတယ်။
ကျွမ်းကျင်သူ၏ အကြံပြုချက် - အီးမေးအသုံးမပြုခင် စာရွက်တွေစီဖို့၊ ရှင်းလင်းဖို့ တစ်မိနစ်-ငါးမိနစ်ခန့် အချိန်ယူပါ။

နံနက် ၁၀ နာရီ ကော်ဖီသောက်ချိန်လား
ကြိုးစားပါ - ကော်ဖီကို အလုပ်တွင်ကျယ်စေတဲ့ ဆေးလို့ ဟားဗတ်ဆေးကျောင်းက ပါမောက္ခ တစ်ဦးက ဆိုပါတယ်။ ကော်ဖီကို များများ သောက်ရင်တော့ စိတ်ဖိစီးမှုကို ဖြစ်စေနိုင်ပြီး တချို့လူတွေမှာ ရင်တုန်တတ်ပါတယ်။
ကျွမ်းကျင်သူ၏ အကြံပြုချက် - နံနက် ၁၀နာရီက ကော်ဖီတစ်ခွက် သောက်သင့်တဲ့အချိန်ပါပဲ။ ကော်ဖီကြောင့် လန်းဆန်းကာ နံနက်ခင်း လုပ်စရာ ကိုင်စရာ ကိစ္စမှန်သမျှ အမြန် ပြီးမြောက်စေပါတယ်။

နံနက် ၁၁ နာရီ သရေစာ မစားပါနှင့်
ကြိုးစားပါ - ဒီအချိန်မှာ သရေစာကို ကြိတ်ဝါး စားသောက်ချင်စိတ် ဖြစ်ပေါ်တတ်ပေမယ့် သရေစာစားတာကြောင့် စွမ်းအင် အဆင့်တက်လာမှာ မဟုတ်ပါ ဘူး။ ကိုယ်အလေးချိန်လျော့ကျရေးကိုတောင် အဟန့်အတားဖြစ်စေတယ်လို့ လတ်တလော လေ့လာမှုတစ်ရပ်က ဆိုပါတယ်။
ကျွမ်းကျင်သူ၏ အကြံပြုချက် - နံနက်စာစားပြီး သရေစာထပ်စား တာက နေ့လယ်စာ စားချိန်ကို နောက်ကျ စေပါတယ်။ အစာစားချိန် တစ်ချိန်နဲ့ တစ်ချိန်ကြား အနည်းဆုံး သုံးနာရီခြား သင့်ပြီး ငါးနာရီထက် မကျော်စေသင့်ဘူးလို့ ကျွမ်းကျင်သူတွေက အကြံပြုထားပါတယ်။

နေ့လယ် ၁၂ နာရီမှ ၁ နာရီ နေ့လယ်စာစားချိန်
ကြိုးစားပါ - အလုပ်စားပွဲမှာ ထမင်းမစားပါနဲ့။ တစ်နေ့လုံး အလုပ်စားပွဲမှာ ထိုင်တာက စွမ်းအင်ကို ယုတ်လျော့စေကာ ပျင်းရိငြီးငွေ့လာစေပါတယ်။
ကျွမ်းကျင်သူ၏ အကြံပြုချက် - နေ့လယ်စာစားပြီး မိနစ် ၂၀ လောက် လမ်းလျှောက်ပေးတာက ဒိုပါမင်း၊ နော်အက်ပီနက်ဖရင်းနဲ့ ဆီရိုတိုနင်အဆင့်ကို အားကောင်းစေပါတယ်။ အလုပ်ကို ပြန်ဝင်တဲ့အခါမှာလည်း စွမ်းအင်ပိုရှိနေစေပါတယ်။

နေ့လယ် ၂ နာရီ တစ်ရေးအိပ်ပါ
ကြိုးစားပါ - မျက်လုံးတွေကို ခဏတာမှေးမှိတ်ပြီး အနားပေးပါ။ အိမ်သာတက်ချိန် ဒါမှမဟုတ် ကော်ဖီတည်ချိန်တွေထက် အချိန်ပိုကြာကြာမပေးရဘဲ စွမ်းအင် ပြည့်လာစေပါလိမ့်မယ်။
ကျွမ်းကျင်သူ၏ အကြံပြုချက် - ကာကွယ်ရေးဆိုင်ရာ လေ့လာမှု တစ်ရပ်အရ နေ့လယ် ၂ နာရီမှာ ၁၀ မိနစ်ခန့် အနားပေးတာက ကျန်တဲ့ တစ်ညနေခင်းလုံး စွမ်းအင်တိုးနေပါလိမ့်မယ်။

ညနေ ၃ နာရီ မျက်စိကို စစ်ဆေးပါ
ကြိုးစားပါ - ဒီအချိန်မှာ သင့်မျက်စိတွေအရမ်းကို ပင်ပန်းညောင်းညာနေနိုင်ပါတယ်။ သင်လည်း နွမ်းနယ်နေနိုင်ပါတယ်။ ဒါကြောင့် မတ်တတ်ရပ်ပြီး ရေသောက်ရင်း ပြန်လည် လန်းဆန်းအောင် ကြိုးစားသင့်ပါတယ်။
ကျွမ်းကျင်သူ၏ အကြံပြုချက် - ၂၀-၂၀ စည်းမျဉ်းကို လိုက်နာပါ။ ဆိုလိုတာက မိနစ် ၂၀ ကြာတိုင်း သင့်ကွန်ပျူတာ မော်နီတာနဲ့ ၂၀ ပေ အကွာရှိတစ်စုံတစ်ခု (အစိမ်းရောင်ဆိုရင် ပိုကောင်းပါတယ်) ကို စက္ကန့် ၂၀ ခန့် ကြည့်ပေးရမှာပါ။

ညနေ ၄ နာရီ အကြောလျှော့ပါ
ကြိုးစားပါ -အလုပ်စားပွဲမှာ အမြန်လုပ် နိုင်တဲ့ လွယ်ကူတဲ့ အကြောလျှော့နည်းတွေအများကြီး ရှိပါတယ်။ ဒီအကြောလျှော့နည်းတွေက အလုပ်ကို အာရုံစူးစိုက်မှု ကောင်းစေမယ့်နည်းတွေပါ။
ကျွမ်းကျင်သူ၏ အကြံပြုချက် - ခန္ဓာကိုယ်ကို ဆွဲဆန့်နိုင်တဲ့ အကြောလျှော့နည်းတွေကို လုပ်ဆောင်ပေးပါ။

ညနေ ၅ နာရီ စိတ်ကို လျှော့ချလိုက်ပါ
ကြိုးစားပါ -အလုပ်ဆင်းချိန် ငါးနာရီ ဒါမှမဟုတ် ငါးနာရီခွဲမှာ ပြန်ဖို့ ပြင်ဆင်သင့်ပါပြီ။ တစ်နေ့ ရှစ်နာရီထက် ပိုပြီးအချိန်ပိုလုပ်တာက ကိုယ်ခံစွမ်းအားစနစ်ကို ထိခိုက်စေတာကြောင့် နောက်ဆက်တွဲအနေနဲ့ ပြင်းထန်တဲ့ ကျန်းမာရေးပြဿနာတွေကို ဖြစ်စေနိုင်ပါတယ်။
ကျွမ်းကျင်သူ၏ အကြံပြုချက် - စိတ်ကို ဖြေလျှော့ပြီး အိမ်ပြန်ဖို့ပြင်ဆင်ပါ။ အိမ်ပြန်ချင်ဇောနဲ့ အမြန်အပြေးအလွှား မပြန်ပါနဲ့။ လုပ်ဖော်ကိုင်ဖက်တွေနဲ့ စကားပြောလိုက်၊ ရယ်မောလိုက်လုပ်ရင်း အိမ်ပြန်ပါ။

ညနေ ၅-၆ နာရီ အိမ်အပြန်လမ်းမှာ
ကြိုးစားပါ - သင်က တေးသီချင်းတွေကို ချစ်တတ်သူဆိုရင် နားကြပ်တပ်ကာ တေးသီချင်းနားဆင်ရင်း အိမ်ပြန်ပါ။
ကျွမ်းကျင်သူ၏ အကြံပြုချက် - အခုအချိန်က ဖိစီးမှုတွေ ဖြေလျှော့ပြီး အပန်းဖြေရမယ့် အချိန်ပါ။ အိမ်ကအလုပ်နဲ့ အနီးအနားမှာဆိုရင် လမ်းလျှောက်ရင်း အပန်းဖြေကာ ပြန်ပါ။

ဇွန်ခိုင်ဦး(ဆေးတက္ကသိုလ်)
Ref:Good Health
Source: http://yoolay.com/health/health-article/26470-2012-05-25-08-43-20