Saturday, June 7, 2014

ဝမ်းနည်းပါတယ်ရှင်

ဝမ်းနည်းပါတယ်ရှင်
- မာဂျေ
“သြော်.. မြန်မာ့ ဆက်သွယ်ရေး၊ မြန်မာ့ ဆက်သွယ်ရေး၊ ဘာတွေလုပ်နေမှန်းကို မသိတော့ဘူး။ မနေ့က တပည့် မောင်ကျော်သီဟ (ဟင်္သာတ)ဆီကို ဖုန်းဆက်လိုက်တော့ လက်ကိုင်ဖုန်းမှာ “၀မ်းနည်းပါတယ်ရှင်”ဆိုတဲ့ အသံထွက်လာလို့ ငါ့တပည့်ကြီး ဘာများဖြစ်သလဲ၊ နေပြည်တော် အမြန်လမ်းက ခရီးသွားတယ်လည်း မကြားမိပါဘူး။ အခုရက်က မိုးရွာနေတော့ အရက် သောက်တာများပြီး ဦးနှောက်သွေးကြောလည်း မပြတ်လောက်ပါဘူးလို့ စိတ်ထင့်ရင်း ဆက်နားထောင်မှ လူကြီးမင်း ခေါ်ဆိုသော ဖုန်းမှာ ဆက်သွယ်မှု ဧရိယာပြင်ပသို့ ရောက်ရှိနေပါသဖြင့် ခေါ်ဆို၍ မရနိုင်ပါရှင်၊ ကျေးဇူးပြု၍ ပြန်လည်ခေါ်ဆိုပါရှင်”ဆိုတဲ့ အသံထွက်လာမှ မြန်မာ့ ဆက်သွယ်ရေးရဲ့ ယဉ်ကျေးလိမ္မာ အစီအစဉ်ဆိုတာ သိလိုက်ရတော့တယ်။
မြန်မာ့ ဆက်သွယ်ရေးနဲ့ ပတ်သက်ရင် ပြောစရာက အတော်များသား၊ ဒါပေမဲ့ မြန်မာ့ ဆက်သွယ်ရေးရဲ့ ၀န်ဆောင်မှု ညံ့ဖျင်းတာကို အကာအကွယ်ယူပြီး အနေအစား ချောင်နေသူတွေ ကလည်း မာဂျေတို့ အပါအ၀င် အများကြီးဗျ။ ဥပမာဗျာ အိပ်ယာထ နောက်ကျပြီး ချိန်းဆိုထားတာ နောက်ကျနေပေမယ့် ဖုန်းဆက်မေးရင် ရွှေဂုံတိုင် မီးပွိုင့်ရောက်နေပြီလို့ ဖြေနိုင်တာမျိုးကို ဘယ်သူက မဟုတ်ဘူး ပြောရဲမှာလဲ။ တယ်လီနောဆိုရင် ဗီဒီယို စနစ် စမ်းသပ် အောင်မြင်ပြီ ကြေညာထားတယ်။ တကယ်လို့ တယ်လီနော ဖုန်းသာသုံးနိုင်တဲ့ အချိန်ဆိုရင် ရွှေဂုံတိုင်မှာဆိုပြီး ညာလို့ဘယ်ရမလဲ။ ကိုယ့်လမ်းထိပ်က မြောက်ဥက္ကလာ မယ်လမုဘုရားကြီးပဲ ပေါ်နေရင် အလုပ်ပါ တစ်ခါတည်း ပြုတ်မှာ။
အဲဒီလိုပဲ အူရီဒူးကလည်း 3Gစနစ်သုံးမယ်။ ရန်ကုန်နဲ့ မန္တလေးမှာ စမ်းသပ် အောင်မြင်နေပြီ။ အခု နေပြည်တော်မှာ စက်တွေတပ်ရင်း စမ်းသပ်နေသတဲ့။ ဒီဖုန်းလည်း သုံးလို့ အဆင်ပြေမှာ မဟုတ်ဘူး။ 3Gဆိုတာက ဆက်သွယ်မှု ကြည်လင်ပြီး ပြောရခေါ်ရ အရမ်းလွယ်သတဲ့။ ဒါဆိုရင် တစ်ဖက်ကို ပြန်မပြောချင်တာနဲ့၊ ကောင်းကောင်းလည်း ကြားနေပါလျက် ဟဲလို၊ ဟဲလို ဘာမှမကြားရဘူး ခင်ဗျ ဆိုပြီး ဖုန်းချပစ်တာတွေ လုပ်လို့ရမှာ မဟုတ်တော့ဘူး။ ဆက်သွယ်မှု ဧရိယာပြင်ပလည်း ရောက်မှာ မဟုတ်သလို ကြည်လင်ပြတ်သားပြီး နောက်က ကာရာအိုကေမယ်လေးတွေရဲ့ အသံ၊ အနှိပ်သမလေး တွေရဲ့ အသံပါ တစ်ဖက်က ကြားသွားရင် ဒုက္ခများသွားနိုင်တယ်။ ဒါကြောင့် အဲဒီဖုန်းတွေပေါ်လည်း မာဂျေတို့က မသုံးရေးချ မသုံးပဲ။ မြန်မာ့ဆက်သွယ်ရေးကိုပဲ အားပေးမယ်ဆိုတာ ဒီနေရာက တိုင်းသိပြည်သိ ကြေညာမောင်းခတ်လိုက်ပါတယ်။ မြန်မာ့ ဆက်သွယ်ရေးက မကောင်းဘူး။ ငါတို့ကတော့ တယ်လီနောနဲ့ အူရီဒူးကိုပဲ အားပေးမယ်ဆိုတဲ့သူတွေ အဲဒီအချိန်ကျမှ ဒူးနဲ့မျက်ရည် သုတ်နေကြရမှာ မြင်ယောင်သေးတယ်။ တယ်လီဖုန်း ဆက်သွယ်ရေး စနစ် ကောင်းမွန်မှုကြောင့် ရန်ဖြစ်ရမယ့် လင်မယားတွေ၊ တရားရုံးတက်ပြီး ကွဲကြရမယ့် လင်မယားတွေ ပေါ်လာဦးမှာ အသေအချာပေါ့ဗျာ။
သေသေချာချာ စဉ်းစားကြည့်ရင် မြန်မာ့ဆက်သွယ်ရေးရဲ့ ကောင်းမွန်တဲ့ ၀န်ဆောင်မှုကရှိပြီး သားပါဗျ။ မပျက်မကွက် ဆောင်ရွက်ပေးနေတဲ့ ၀န်ဆောင်မှု တစ်ခုကို ပြောပြရရင်တော့ သင့်မှာ ငွေလက်ကျန် ၂၀၀ ကျပ်အောက် လျော့နေပါပြီ။ အမြန်ပြန် ငွေဖြည့်ပါလို့ ဘိုလိုမတ်စိ ပို့တယ်ဗျာ။ ငွေ ၂၀၀ အောက်မှာ ဖုန်းခေါ်မိရင် အဲဒီအဓိပ္ပာယ်ရတဲ့ ဘိုမသံနဲ့ ပြောတယ်ဗျာ။ ဒီတော့ မကောင်းပေလား။ ငါ့မှာ ငွေလက်ကျန်နည်း နေပြီဆိုပြီး ကိုယ်ဆက်ချင်တဲ့ ဖုန်းကို အပျော်မယ်လေးတွေ လုပ်သလို မစ်စ်ကော (Miss Call)ပဲ ပို့လို့ မရပေလား။ အဲဒီဝန်ဆောင်မှုသာ မရှိရင် ကိုယ့်မှာ ငွေဘယ်လောက် ကျန်မှန်းမသိ၊ ဘုမသိ ဘမသိနဲ့ တွန်းဆက်နေရင်း ဆက်ရင်း လိုင်းပြတ်မသွားပေလား။ ဒါတွေက ခေါ်ဆိုမှုနဲ့ ပတ်သက်ပြီး အားသာချက်တွေ။ ဒီလိုပဲ အင်တာနက် ကွန်နက်ရှင် နှေးတာလေးကလည်း ကြံဖန်တွေးရင် ကိုယ့်အတွက် သက်သာရာ သက်သာကြောင်းဗျ။ တစ်လောက နေပြည်တော် ရုံးတစ်ရုံးကနေ မာဂျေဆီကို အီးမေးလ်ကနေ ဖိုင်တွေ ပို့လိုက်တယ်။ အဲဒီဖိုင်တွေကို ဒေါင်းပြီး သေသေချာချာ လေ့လာ။ ပြီးရင် သူတို့ဆီက ဆွေးနွေးပွဲမှာ ဆွေးနွေးပေးဖို့ မာဂျေက ပျင်းတော့ နေပြည်တော်ကို ဖုန်းလှမ်းဆက်လိုက်တယ်။ အီးမေးလ်တော့ ရတယ်။ ဖိုင်ဆိုက်က ကြီးတော့ ဒေါင်းလို့မရဘူး။ ဒီတော့ ဆွေးနွေးစရာလည်း ဘာမှမရှိတော့လို့ မလာတော့ဘူးနော်ဆိုပြီး။ အမှန်ကတော့ နေပြည်တော်လမ်းကို မသွားရဲတာလည်း ပါတာပေါ့ဗျာ။ အဲဒီလိုလည်း ကြံဖန်ပြီး ကောင်းကွက်လေးတွေ ရှာလို့ရပါတယ်ခင်ဗျ။
လူတွေက ကိုယ်က မကောင်းတာ။ တစ်သက်လုံး မြန်မာ့ ဆက်သွယ်ရေးနဲ့ပဲ နှစ်ပါးဂဟေ ဆက်လာပြီး အခုမှ ဂဏန်းပေါင်း မြင်လို့ ငါးကင်ကို ပစ်ချနေကြတာ။ အခုမှ အင်တာနက် ကွန်နက်ရှင် နှေးတယ်တို့၊ ခေါ်ရတာ ခက်တယ်တို့ ပြောနေရင်း ပြုတ်ပြုတ်ကျသွားလို့ အလုပ်တစ်ခုပြီးဖို့ လေးခါလောက် ခေါ်ရတယ်တို့နဲ့ လျှောက်ပြောနေကြတယ်။ အဲဒီလူတွေကို မေးချင်တယ်။ တစ်သက်လုံး ဒီလို ဖြစ်နေတာကို အခုအားကိုး နှစ်ခု ရှိလာတော့မယ် သေချာမှ ဘာလို့ ပြောနေကြတာလဲလို့။ ဒါပေသိ မြန်မာ့ ဆက်သွယ်ရေးရေ အားမငယ်ပါနဲ့။ ဘုရားနဲ့ အယူဝါဒ ပြိုင်တဲ့ ဆရာကြီး တစ်ယောက် ပြောသလိုပေါ့။ လောကမှာ လူကောင်းနဲ့ လူဆိုး ဘယ်သူများသလဲလို့ သူ့တပည့်တွေကို မေးတယ်။ လူဆိုးတွေက များတာပေါ့ ဆရာကြီးရယ် ဆိုပြီး ဖြေတော့ ဆရာကြီးက အေးလူကောင်းတွေက ဗုဒ္ဓဆီ သွားလိမ့်မယ်။ လူဆိုးတွေက ငါ့ဆီလာ လိမ့်မယ်တဲ့။ အဲဒီ စကားညွှန်းရရင် တယ်လီဖုန်း သုံးနေတဲ့ အထဲမှာ မာဂျေတို့လို ဟိုလိမ်ဒီလိမ်ချင်တဲ့ လူဆိုးတွေက မြန်မာ့ ဆက်သွယ်ရေးက ဖုန်းပဲ ဆက်သုံးကြမှာပါ။ တယ်လီဖုန်း ဆက်သွယ်ရေး စနစ် ပိုကောင်းအောင်လည်း လုပ်မနေပါနဲ့။ အင်တာနက် ကွန်နက်ရှင် ကောင်းအောင်လည်း ငွေတွေ နိုင်ငံခြားပေးပြီး အင်တာနေရှင်နယ် ဂိတ်ဝေးတွေ ချဲ့မနေပါနဲ့။ တယ်လီဖုန်းက ဆက်သွယ်မှု ဧရိယာ ပြင်ပ ရောက်နေရင်လည်း ၀မ်းနည်းပါတယ်ရှင် လုပ်နေစရာ မလိုတော့ပါဘူး။ မြန်မာ့ ဆက်သွယ်ရေးက ဖုန်းကိုပဲ သုံးကြဦးမှာပါ။ လောကကြီးမှာ လူဆိုးတွေက အများသားကိုးဗျ။
.... ဟာ ဟာ ဟ။
- မာဂျေ

No comments:

Post a Comment